Transcription
1
Monsieur, jay receu la lettre quil vous a pleu mescripre du XXe. Je vous
2
ay faict entendre ses jours passés comme lennemy sest retiré de devant
3
La Mure. Javois receu les lettres pour les faire tenir à messieurs les
4
cappitaines qui commandent aux compagnyes de gens darmes en ce païs,
5
lesquelles lettres Du Vent leur porte. Monsieur, je croys quavez entendu
6
par le cappitaine Baptiste comme quatre de ses soldatz alloient à Mens
7
soy rendre avecq lenvy, ayant ung passeport de La Girondière qui
8
comande à Mens et incontinant que de ce jeuz advertissement, je me
9
saisiz desdits soldatz, dont il y en a troys de Savoye, lung
10
desquelz est à Mens et laultre est de Saluces. Je leur faictz
11
former leur procès par Bonvert dont confesse quil est vray
12
quilz alloient audit mens ? Je faictz assembler aujourdhuy huict advocatz
13
pour les juger selon leurs merites. Jay entendu que lesdits ennemy
14
a prins le chemyn du costé de Chorges. Je ne scay quel peult
15
estre leur descieng. Comme japrendray quelque chose de
16
nouveau, je ne faudray vous en tenir adverti. Et en atendant
17
voz comandementz, je me recomanderay humblement à votre bone
18
grace et prie Dieu vous donner,
19
20le cappitaine [barré : Bastiste ] Baptiste avoyt vollu avoyr
21
rière luy les chevaulx desdits soldatz, ce que je nay
22
vollu, mays les ay balhé en sequestre soubz la
23
main du roy et de justice. Il vous a faict entendre
24
quil a sèze soldatz à cheval. Je vous asseure quilz ne sont
25
davantaige de six.
26
27
Monsieur vous avoyr en parfaicte santé, heureuse vye et longue.
28
De Grenoble, ce XXIIIe fevrier 1574.
29
Votre très humble et aubeyssant
30
servyteur
31
La thivolliere.